Qeydiyyat

Ümumi Qaydalar (2023) Hər şey sizin rahatlığınız üçün qeydə alınmışdır... Maddə 1. Qadağalar: • 1.1 – Meetingpart olan hər yerdə siyasi, futbol, dini, irqi, cinsi mövzu açmaq və ya müzakirə etmək qadağandır. (Qaydanı pozan şəxsə, ilk dəfə üçün xəbərdarlıq edilir. Təkrar edildikdə isə bir müddət görüşlərə buraxılmır); Açıqlama: Asudə zamanımızı maraqlı, xoş, fərqli və əyləncəli keçirmək üçün Meetingpart qrupu müxtəlif tədbirlər təşkil edir. Müzakirəsinə icazə verilməyən mövzular iştirakçılar arasında mübahisəyə səbəb olur. • 1.2 – Meetingpart olan hər yerdə (əvvəlcədən icazə verilməyibsə) spirtli içki: görüşdə almaq, özü ilə gətirmək, istifadə etmək, istifadə edib gəlmək qadağandır. (Qaydanı pozan şəxs olduğu görüşdən kənarlaşdırılır və bir müddət görüşlərə buraxılmır); Açıqlama: Spirtli içkinin istifadə icazəsi uyğun bildiyimiz görüşlər (şənlik və qonaqlıqlar) üçün iştirakçı toplanılan zaman elan edilir. Adətən belə görüşlərə iştirakçılar öncədən tanıdığımız şəxslərdən seçilir. Düşərgə, səfər, idman və s. görüşlər var ki, spirtli içkidən istifadə orada problem yaratdığı üçün icazə verilmir. • 1.3 – Meetingpart olan hər yerdə etik normalardan kənar sözlər işlətmək, vulqar və kobud ifadələr söyləmək, təhqiredici və alçaldıcı hərəkətlər etmək qadağandır. (Qaydanı pozan şəxs yaratdığı vəziyyətin dərəcəsinə görə müvəqqəti və ya birdəfəlik kənarlaşdırılır) Açıqlama: Mədəniyyət hər yerdə gözəldir. • 1.4 – Meetingpart görüşlərində tanışlığı yaranan əks cinslərin sonradan əlaqə saxlaması qadağandır. (Qaydanı pozan şəxslər birdəfəlik kənarlaşdırılır); Açıqlama: Görüşlərimiz sayəsində insanlar bir ortamda olur. Müşahidələrimizə əsasən, bəzi insanlar bu səmimiyyətdən sui-istifadə edir. Bu kimi xoşagəlməz hadisələrin qarşısını almaq məqsədi ilə bu qayda tətbiq edilir. • 1.5 – Meetingpart görüşlərində tanışlığı yaranan şəxslərin (həmcinslər daxil) real və ya virtual (tətbiqlər vasitəsi ilə) qrup yaratması qadağandır. (Baş verdikdə “təşkilatçı” birdəfəlik, iştirakçılar müvəqqəti və ya birdəfəlik kənarlaşdırılır); Açıqlama: Təcrübəmizdən görmüşük ki, auditoriyamızdan istifadə etmək istəyən pisniyyətli insanlar zaman-zaman olmuşdur. Bizə güvənən insanların sadiqliyindən istifadə edilməməsi üçün bu qayda tətbiq edilir. • 1.6 – Meetingpart-dan birdəfəlik uzaqlaşdırılan şəxslə əgər bizdən öncə tanış deyildinizsə, əlaqə saxlamaq tövsiyə edilmir. (Bu əlaqə sizin görüşlərimizə qatılma faizini azaldacaqdır); Açıqlama: Bir iştirakçı asanlıqla birdəfəlik uzaqlaşdırılmır. Əgər uzaqlaşdırılıbsa, demək ki, ağır qayda pozuntusu edib. Həmin şəxslə əlaqənizin davam etməsi sizə güvənimizi azaldacaqdır....